Krieewelsch Platt

 

 

 

 

Matthes vertällt jeweils am ersten Mittwoch im Monat in der WZ
seine Mäuzkes.

Enne Ferkeskopp
stieeht kinnem Brell.

Et Bröckske blivvt stooehn

Sieeve Jooehr es et nou all her, dat dä Herbert Chrastek als Pächter van Et Bröckske et Handock jeschmieeten hät. Jooehrelang haat hä op die nöddije Sanierung van die Bölt jewaart, äwer die Fuckefänger van Wirichs, die dooe Hosbes wooere, häbben sech stief jehalde. Nou jinge de Lampe ut en die Traditions-Wieertschafft, wuo die Krieewelsche ömmer ärg jeär her jejange wooere. „Juut bürjerlich“ kuos m'r he eäte, on die Thieek wooer wahl die jröttsde van janz Krieewel. Et samsdes meddes Eärtezupp eäte en et Bröckske, dat jehüerde och für mech an et Weäkeseng dobee.

Wat häbben wir ömmer prima booeven en dä Saal jefiert. Op Altwiever wooer dooe dän Düwel loss, on op janz Fastelooevend daaverde dat Huus bes en de Neit eren. Jesangsvereine fierden he ihr Stiftungsfeäs; dä Kreis 23 kooem möt Hermes, Mülders on Möllenkamp nach he, für öm et Publikum op Krieewelsch Platt tu ongerhalde. Jooehrelang häbben he och de Pappköpp ihr Vürstellunge avjehalde. Desweäje häbben die Schliekefänger jooe och dat klieene Jätzke nevenaan op „Matthes-on-Schäng-Jatz“ jedöpt. Dat Strooetescheld es wahl neulich van en paar Dreckskeärls dooe van die Muor avmontiert worde. Äwer ech well doch hoffe, dat wörd dooe wier aanjebreit, wenn demnächst dä Nöibou feärdig jeworde es.

M'r kann et jooe bald net jlüeve, äwer dat Stöckske Altkrieewel soll doch tatsächlich net avjerieete werde. Wenn dat net jelooege es, wat vertällt wörd, dann blivvt die Fassade van Et Bröckke stooehn on dohenger wörd ömjebout. Neävenaan dä angeren Dieel van dat Jronkstöck kannste wahl en de Pief schmocke. Dat wörd platt jemäckt on dooe drop nöi jebout. En dat nöie Huus solle jooe en paar Döktersch eren trecke. Dat es doch prima. Wenn m'r sech dann demnächst en die Wieertschaft be et Eäte dä Maag verdorve hät off enne Tang an enne Knooek en die Eätezupp utjebieeten hät, dann kann m'r sech neävenaan direkt behandele looete. Hoffentlich düert dat jetz net wier jooehrelang, bes dat die möt dat Projekt en de Jäng kuome. Vüel verspreäke on dann nix duon, dat kennt m'r jooe en Krieewel.



En anger Objekt wörd os Krieewelsche nou wahl net miehr erhalde blieve. Et Schullandheim Herongen soll an et DRK verkloppt werde. Schaad dröm, et hänge doch suo männije Erinnerunge ut de Scholltiet an Krähennest, Greifenhorst, Bienenstock on dä Amandus. Seit de fiffzijer Jooehre häbben dooe op dat Terräng de Schollblage erömjedollt on Ferkesfreud jekreije. Wat jooev dat ömmer Fucki be die Kissenschlacht et ooeves en dä Schlooepsaal. Et jövvt wahl kinne Krieewelsche, dä sech net jeär dooedraan erennere dieet. Et wöer doch schüen, wenn die Krotte van vandaag dat och ens erleäve küeße. Äwer et soll wahl wier ens an et Huushaltslooek legge, dat m'r dat avschrieve mot.


Wenn Ihr jet net verstange häbt:

Altwiever Altweiber
Bölt heruntergekommenes Haus
daavere beben, dröhnen
Döktersch Doktoren
Dreckskeärl unangenehmer Mensch
en de Pief schmocke es taugt zu nichts
Fuckefänger Mensch, auf den kein Verlass ist
Hosbes Hausbesitzer
Huushaltslooek Haushaltsloch
Knooek Knochen
Krott Kind
männig manch eine(r)
Muor Mauer
Schliekefänger Witzbold, hinterlistiger Kerl
Weäkeseng Wochenende

Hier nun seine Story vom Oktober. schließen...